O imperialismo euro norteamericano agrupado na OTAN, do que o Estado Español fai parte, ten pasado todas as liñas vermellas co seu apoio ao Israel, e lanza unha mensaxe clara ao mundo: para defender a sua hexemonía están dispostos a todo
Polo Encontro Galego Contra a OTAN
O mesmo dia que o Parlamento do Estado Español rexeitaba a ruptura de relacións co estado sionista de Israel, este perpetra unha nova masacre bombardeando á poboación que esperaba axuda humanitaria. Confírmase o que é un segredo a voces: a maioría do Congreso e o Goberno español son cómplices activos no xenocidio do pobo palestino.
O imperialismo euro norteamericano agrupado na OTAN, do que o Estado Español fai parte, ten pasado todas as liñas vermellas co seu apoio ao Israel, e lanza unha mensaxe clara ao mundo: para defender a sua hexemonía están dispostos a todo, incluído o xenocidio de todo aqueles que vaian a enfrentalos. A OTAN e os seus lacaios como o Estado sionista, Marrocos e demáis son o perigro número un para a humanidade, e so poden evitar o desastre a mobilización social: quixeron borrar aos palestinos e o mundo fíxose palestino.
Chamamos a todas aquelas forzas e persoas a titulo individual que rexeitan a OTAN a fortalecer os organismos unitarios de oposición á OTAN e de solidariedade cos pobos en loita como o Palestino ou o saharaui, como o Encontro Galego Contra a OTAN. Chamamos a poboación a participar activamente nas mobilizacións en solidariedade co pobo palestino.
NON AO XENOCIDIO EN PALESTINA! CONTRA A OTAN E AS SÚAS GUERRAS,
UNIDADE!!
Se el primero en comentar