Chantado novo memorial antifascista na curva da Fontaboa

Nesta nova jornada de reinstauraçom da verdade, justiça e a dignificaçom, fôrom lembrados e reivindicados os nomes de 21 homes e umha mulher.

Polo Comité pola Memória Histórica do Val do Límia | 23/09/2024

Na tarde do domingo 22 de de setembro foi inaugurado o segundo monólito de homenagem às vítimas do fascismo no Val do Límia.

Nesta nova jornada de reinstauraçom da verdade, justiça e a dignificaçom, fôrom lembrados e reivindicados os nomes de 21 homes e umha mulher que nom estavam na pedrafita chantada neste mesmo lugar em setembro de 2019.

Apresentado pola companheira Inés Rodríguez, ao longo de duas horas a música comprometida e reivindicativa de Mini e Xosé Constenla, e os poemas antifascistas de Claudio Rodríguez Fer e Carmen Blanco, lográrom engaiolar e emocionar às dúzias de pessoas que mais um ano assistírom à convocatória do Comité pola Memória Histórica do Val do Límia.

Posteriormente interviu o Davide Bande em representaçom dos familiares das vítimas, e Celia Inés Feijoó Soto, presidenta do Comite de Memória Histórica da Comarca de Cela Nova.

A continuaçom tomou a palavra Paco Castro, dando passo à intervençom de Carlos Morais e de Manuel Sueiro Lopez, da diretiva de Amigos da República, quem deu leitura a um texto de Raúl Solís.

Após ser desvelado do imenso pano vermelho que o cobria, sob os acordes do Hino Nacional e da Internacional, foi solenemente inaugurado o monumento, sendo depositados por familiares e ativistas antifascistas umha coroa de loureiros e cem caraveis vermelhos ao pé da pedrafita.

A jornada reivindicativa finalizou na Benita de Bande com a confraternizaçom entre petiscos dos assistentes.

O espaço à beira doi rego do Caunho, onde em julho de 1936 fôrom executados o ‘Noches’ e Jenaro Alonso Santos, foi reafirmado como ponto zero da memória antifascista da nossa comarca.

Queremos agraceder o apoio económico a todo o povo antifascista do Val do Límia e de outras comarcas de Ourense e da Galiza, sem o qual nom teria sido possível esta iniciativa.

Igualmente ao Marcos do Gallaecia de Mugueimes por colaborar na logística e ao Gusi pola megafonia.