O seu êxito só é possível polo desarme ideológico e político da classe trabalhadora promovido polo PSOE e o conjunto das ‘esquerdinhas’ nas últimas décadas no Estado espanhol.
Por Agora Galiza-Unidade Popular | 27/04/2024
O PSOE é a força central do regime posfranquista, da monarquia bourbónica, desta cárcere de povos chamada Espanha, negadora do direito à liberdade nacional da Galiza, fiel executor das políticas antipopulares impostas polos seus amos: o IBEX-35, que nos vam depauperando e empobrecendo sistematicamente em base a esmolas, migalhas e ajudas fictícias sempre por baixo da inflaçom, apresentadas com cores agradáveis e atrativos discursos.
Embora utiliza demagogicamente o medo à “direita e extrema-direta” como mecanismo eleitoralista, a realidade é bem diferente. O governo de Pedro Sánchez, igual que todos os anteriores, nom é mais que um governo servil e lacaio dos interesses da oligarquia e do grande Capital.
Coincide sempre votando nas Cortes com o PP e Vox, em muitas ocasions com JxC e PNV, nos alicerces centrais das linhas estratégicas do regime: evitar constituir umha comissom de investigaçom da corrupçom do “rei emérito”, impossibilitar a criaçom dumha empresa de energia pública, vetar duplicar a carga impositiva à banca, impedir umha investigaçom do terrorismo de Estado dos GAL.
O PSOE coincide sempre com a “direita e extrema-direita” no alinhamento com o imperialismo, mediante o apoio ao protetorado ukronazi, ao ente sionista de Israel, e o mais grave: na preparaçom da guerra contra a Rússia na que estám embarcadas as elites da UE e da OTAN.
Pedro Sánchez é um impostor, umha fraude, um simples vendedor de tóxico fumo multicolor. Com sorrisos, bonitas palavras carregadas de inofensivos tópicos progres acompanhadas de muita purpurina e verniz lilás, logra aparentar o que realmente nom é: um presidente honrado, bem intencionado e de “esquerda”, umha pobre vítima ameaçada pola “extrema-direita”, exemplar marido enamorado que opta por proteger e apoiar a sua mulher, mostrando que nom tem apego ao cargo. Manobra brilhante de manipulaçom!
O seu êxito só é possível polo desarme ideológico e político da classe trabalhadora promovido polo PSOE e o conjunto das ‘esquerdinhas’ nas últimas décadas no Estado espanhol.
Foi tam devastadora como eficaz esta operaçom, que perante a ausência dum pólo obreiro com dimensom de massas, a abduçom e manipulaçom geral é umha tarefa fácil.
Os meios progres utilizando o medo à “extrema direita”, alimentando o impacto emocional da campanha contra a sua mulher próprio dos reality shows e revistas rosas, estám tentando gerar um estado de opiniom que em base a subjetividades acredite que é necessário evitar que o falaz órdago de Pedro Sánchez culmine com a sua renúncia.
Hábil operaçom para quem leva meses aumentando os gastos militares, entregando armas aos nazis de Zelensky e aos sionistas, a quem tem comprometido a entrada do Estado espanhol na guerra contra a Rússia e a frente multipolar que necessitam as compulsivas burguesias da UE, enquanto prepara mais golpes às cada vez mais precárias condiçons materiais de vida das imensas maiorias.
Hoje a classe obreira deveriamos estar nas ruas reclamando Paz, Trabalho e Liberdade, manifestando-nos contra a guerra imperialista na que Pedro Sánchez está embarcado, e que só provocará miséria e dor.
Porém, o desnorte e capitulaçom das ‘esquerdinhas’ que agora alimentam o vitimismo e a cínica narrativa de Pedro Sánchez, apoiarám umha provável moçom de confiança na que os seus sócios na precária maioria parlamentar traguem o que Bruxelas, Washington, Tel Aviv e Londres necessitam: um governo de guerra.
Todo o resto é literatura rosa, escaramuças inofensivas hiperventiladas polos meios de [des]informaçom da fraçom globalista da bloco oligárquico espanhol.
PSOE-Sumar-VOX-PP a mesma merda é!
Nem governo progre nem alternativa fascista!
Só a classe obreira salva a classe obreira!
A combinaçom da luita operária, popular e de libertaçom nacional é o único caminho!
Direçom Nacional de Agora Galiza-Unidade Popular
Se el primero en comentar