A OTAN criou um exército nas sombras, a rede Stay Behind, un exército bem treinado em sabotagens tanto industrial como de infraestruturas, comunicaçom, operaçons relámpago, fabricaçom de explosivos com materiais caseiros etc.
Por Paulo Peres
Os Estados Unidos e o seu criminal imperialismo, na luita polo controlo do mercado global usou as ferramentas dos bandidos perversos que som, violando o direito internacional, fronteiras e soberanias nacionais, provocando massacres, causando devastaçom e destruindo naçons inteiras, todo pola apropriaçom de recursos energéticos e matérias primas, favorecendo a indústria armamentista e o oligopólio da construçom.
A OTAN foi usada para a luita contra toda aquela naçom que se opugesse aos seus planos, que representasse um perigo polo seu modelo de organizaçom social ou a para a conquista de novos mercados.
A maioria do mundo já reconhece a OTAN como umha organizaçom terrorista a escala global, que defende unicamente os interesses políticos, estratégicos e económicos ianques. O exemplo temo-lo hoje bem manifesto no conflito na Ucrânia, quando se implementam sançons à Federaçom Russa, esta torna-se mais forte e poderosa economicamente e sem embargo quem se debilita é a Uniom Europeia. Um efeito boomerang que empobrece e castiga a classe obreira, que vai provocar miséria e fechamento de empresas, subordinando o seu mercado ao controlo dos USA. Esta foi desde um princípio a finalidade da operaçom militar na Ucrânia, debilitar a Federaçom Russa e dinamitar os tratados comerciais com a UE.
Europa suicida-se economicamente polo seguimento lacaio e submisso do poder politico que se ajeonlha perante os USA. A OTAN está financiada num 69% polos USA e sabemos que quem paga manda.
A CIA, o Pentágono e a Casabranca som o triunvirato mais mafioso que pariu o poder. Nom se conformam com pisar naçons que consideram inimigas, senom que submete os seus próprios aliados a espionagem, promove candidatos que beneficiem os seus negócios, trata os seus amigos como mucamas domesticas.
Mas há umha faceta desta organizaçom terrorista da que nom se fala tanto. Afirmam que foi criada para contrarrestar o Pacto de Varsóvia, para frear umha possível invasom da extinta Uniom Soviética. Nasceu com caráter anti-comunista para frear a sua influência nas massas e nos paises do mundo “livre” da causa do proletariado. As guerras contra o Vietná, a Coréia, Cuba, som exemplos de este anticomunismo visceral.
A OTAN criou um exército nas sombras, a rede Stay Behind, un exército bem treinado em sabotagens tanto industrial como de infraestruturas, comunicaçom, operaçons relámpago, fabricaçom de explosivos com materiais caseiros etc.
Diseminado por toda Europa ocidental, com células mui bem treinadas para resistir umha suposta invasom por parte da Uniom Soviética, mas que na realidade ao que se dedicárom, nom todas mais sim aquelas onde existiam elementos fascistas, foi frear mediante técnicas contrainsurgentes a influência de partidos comunistas, organizaçons operárias e sindicatos de classe, todos aqueles coletivos que se declarassem anticapitalistas e pola revoluçom socialista-comunista nos países europeios.
Treinados polo MI6, financiados pola CIA e coordenados polos países integrados na OTAN desde umha ramificaçom secreta da mesma, participavam também os serviços secretos e de inteligência de cada país.
Os ataques de falsa bandeira fôrom umha necessidade na luita contrainsurgente realizada por estas células stay behind, que na Itália tomou o nome de Gládio, onde após vários atentados foi descuberta a implicaçom de membros do serviço secreto nestas atrocidades. A finalidade ficaba clara: frear a influência dos comunistas, de grupos de esquerda nas massas, que poderiam “desestabilizar” a hegemonia do sistema político-económico e social.
Há declaraçons de agentes que participárom, que logo fôrom a prisom, na que contam que se sintiam seguros, a CIA dava cobertura e após os atentados eram levados ao Estado espanhol onde ficavam seguros e protegidos pola ditadura franquista.
Na estrutura de apoio figuravam elementos de todas as instituçons do Estado, desde o poder executivo à justiça, militares, polícias, diretivos industriais, banqueiros, todos cooperavam em diversas facetas das operaçons de falsa bandeira, armas, logística, vias de escape, ocultaçom de provas, financiamento, etc.
A partir da derrota infringida pola URSS, nom todos os nazis fôrom julgados, essa foi a armadilha para dar um revestimento de legitimidade a Nuremberg. Umha grande parte de eles, altos quadros com grande preparaçom em distintas disciplinas fôrom absorvidos polas democracias ocidentais e passárom a ocupar cargos em distintas áreas: exército, seguridade nacional, defesa, no Pentágono, na CIA e na OTAN. Foi esta organizaçom terrorista quem absorveu toda esta camarilha de nazis, nom polas suas qualidades humanas ou valores éticos e morais, senom polo seu profundo e visceral ódio aos comunistas.
Reinhard Gehlen, Albert Schnez, Adolf Heusinger, Hans Speidel, Johannes Steinhoff, Johann von Kielmansegg, Ernst Ferber, Karl Schnell, Franz Joseph Schulze, Ferdinand von Senger und Etterlin.
Nom é dificil chegar à conclusom de que todas estas operaçons de falsa bandeira, todos estes criminais atentados contra a populaçom civil, todas estas redes stay behind, fôrom desenhadas polos criminais nazistas, agora ao serviço da luita contrainsurgente dentro da organizaçom terrorista maior do mundo.
Perante 15 anos sementárom o terror na Itália, Bélgica, Alemanha, causando mais de 200 mortos, centenares de feridos, logrando o debilitamento dos partidos eurocomunistas.
Todas estas açons, o Macarthismo institucional, a repressom do Estado, os atentados e assassinatos cometidos polos fascistas, todas as armadilhas anticomunistas, as campanhas mediáticas, a pressom social, tivérom repercussom no ideário dos partidos comunistas, nos seus dirigentes orgánicos e teóricos, que acelerárom a renuncia à tomada do poder pola força, à luita de classes e derrocada do Estado. Aceitárom definitivamente as regras do jogo burguês, deixárom de ser comunistas para converter-se em democratas, inventárom o eurocomunismo, umha deriva própria da claudicaçom e apodrecimento ideológico, mas também propiciada polo medo, polo assédio ao que eram submetidos. Deixárom de ser partidos de quadros como vanguarda do proletariado para converter-se em partidos de massas que aceitárom as regras do eleitoralismo burguês, renunciando à emancipaçom da classe obreira, mudando revoluçom por reforma, abandonando os principios do marxismo-leninismo.
Baste lembrar que no Estado espanhol o PCE aceitou a monarquia, a bandeira imposta polo fascismo, renunciando à causa republicana, aceitárom a Lei de Amnistia e impunidade fascista, pactuárom a transiçom com quem mandara às valetas milhares de militantes do seu partido.
No Estado espanhol durante a transiçom houvo 271 asasssinados pola BPS, pola guarda civil e grupos de extrema direita, como Batalhon Basco Espanhol, militantes de Fuerza Nueva, falangistas, Guerrilheiros de Cristo Rey, etc… Nom tinha sentido a criaçom de estas redes stay behind posto que ja havia grupos radicais fascistas dispostos a todo, mas sim que mantivérom estreitos contatos com membros de Gládio.
A conclussom é que a OTAN nom só é umha ferramenta do decadente imperialismo ianque, também é um poder contrainsurgente, criminal, anticomunista feroz.
Se el primero en comentar