Primeira querela contra os crimes do franquismo admitida a trámite polos xulgados de Galiza

O Tribunal de Instancia 2 de Padrón ( A Coruña) acordou iniciar a investigación xudicial das torturas sufridas por Manuel Reboiras o 28 de setembro de 1975, nun contexto de crimes contra a humanidade.

Por CEAQUA | 1/07/2025

Desde CEAQUA celebramos esta nova admisión, pero lembramos que, despois de máis de 115 querelas, segue sendo un feito excepcional e instamos aos poderes públicos e aos partidos políticos a adoptar todas as medidas para que este feito excepcional convértase nun feito habitual.

O Tribunal de Instancia 2 de Padrón ( A Coruña) acordou iniciar a investigación xudicial das torturas sufridas por Manuel Reboiras o 28 de setembro de 1975 nun contexto de crimes contra a humanidade, requirindo información documental ao Arquivo Histórico Nacional, ao Centro Documental da Memoria Histórica e á Dirección Xeral da Policía.

Manuel Reboiras querelouse polas torturas sufridas durante dúas detencións, unha o 28 de setembro de 1975 en Padrón e unha segunda o 18 de xuño de 1976 no monte de O Castro ( Vigo).

O Auto é consecuencia da estimación dun recurso de reforma formulado por Fiscalía e a revogación do Auto do mesmo Xulgado de data 12 de decembro de 2024, que acordou o sobresemento libre o o arquivo da causa por prescrición.

Desde CEAQUA facemos unha valoración positiva do contido do Auto ditado polo Tribunal de Instancia de Padrón, á espera de que se poida avanzar nas dilixencias de investigación penal.

Trátase da primeira admisión a trámite en Galiza dunha querela na que foron denunciados crimes franquistas.

En todo caso, debemos lembrar que algunhas das admisións a trámite das querelas presentadas, que deberían habilitar a investigación xudicial dos crimes obxecto de denuncia, é un feito excepcional e extraordinario hoxe en día.

Lamentablemente até a data máis de 115 querelas criminais nas que se denunciaban os devanditos crimes foron inadmitidas ou arquivadas no conxunto do Estado español.

Unha vez máis debemos lembrar que o estado español atópase lonxe de reverter as políticas de impunidade imperantes que impiden, con carácter xeral a investigación xudicial dos crimes franquistas.

Por tanto, aínda que o Auto do Tribunal de Instancia de Padrón, representa un mínimo avance nesta materia, é indubidábel que o Estado español debe reverter, dunha vez por todas, as súas políticas de impunidade, implementando medidas lexislativas que garantan o dereito á tutela xudicial efectiva das persoas que sufriron graves violacións de dereitos humanos durante a ditadura franquista e a Transición.

É máis, durante este ano no que se conmemora o 50 aniversario da morte do ditador Francisco Franco, e no que o Goberno programou máis de 100 actos, desde CEAQUA queremos interpelar, unha vez máis, ao Goberno de coalición e aos grupos parlamentarios que conforman o Poder lexislativo para lembrarlles que a súa inacción forma parte das políticas de impunidade mantidas polo Estado español. Por iso, nos cincuenta anos da morte do ditador, debemos seguir denunciando os 50 anos de impunidade que impediron a investigación e axuizamento dos crimes de Dereito internacional cometidos durante a ditadura franquista e a Transición.

Desde CEAQUA continuaremos demandando xustiza para todas aquelas persoas e familiares que sufriron crimes franquistas.

Se el primero en comentar

Dejar un Comentario

Tu dirección de correo no será publicada.




 

Este sitio usa Akismet para reducir el spam. Aprende cómo se procesan los datos de tus comentarios.