Comezan na Galiza as presentacións do libro «José Afonso, todas as canções, partituras, letras e cifras»

Nesta programación, ademais da AJA-Galiza, colaboran A.C. Pertenza, Asociación Lobisome, Portas Ártabras. Amigos dos museus de Galicia, Ateneo Ferrolán e a Libraría Pedreira.

A Associaçom José Afonso (AJA – Galiza) colabora coa presentación do libro «José Afonso, todas as canções, partituras, letras e cifras» que reúne 159 cancións da autoría de José Afonso, compiladas e transcritas por Guilhermino Monteiro, José Mário Branco, João Lóio e Octávio Fonseca.

Trátase dunha publicación fundamental para quen quixer coñecer máis de José Afonso, un xeito de revivir as emocións que nos transmiten as súas músicas e as súas letras, ademais de continuar a espallar as súas ideas de solidariedade e liberdade. Así, esta publicación é un elemento de grande utilidade para quen queira aprender e interpretar musicalmente os temas de José Afonso.

A AJA-Galiza convida a asistir as presentacións deste libro programadas do 23 ao 27 de novembro en Vigo, Vilagarcía de Arousa, A Coruña, Ferrol e Compostela, que contarán co acompañamento de diversas actuacións musicais.

A vasta obra discográfica de José Afonso, iniciada en 1953 e concluída en 1985, constitúe un manancial inesgotábel de inspiración e de aprendizaxe. Grazas ao seu talento excepcional, renovou a canción popular a partir da tradición musical en que se iniciou, integrando novas influencias e marcando decisivamente as xeracións seguintes.

Ademais de rachar preconceptos sobre a canción protesta e de intervención, esta compilación que reúne as partituras de todos os temas que gravou, con cadansúas letras e diagramas, mostra a súa extensa obra que contribuíu para elevar os padróns de calidade no uso da palabra cantada en Portugal.

Despois de dúas edicións en 2010, pola súa boa acollida, o libro volve estar dispoñíbel coa edición e distribución a cargo da Associación José Afonso e este mes chega tamén ao noso país da man dos seus autores.

Nesta programación, ademais da AJA-Galiza, colaboran A.C. Pertenza, Asociación Lobisome, Portas Ártabras. Amigos dos museus de Galicia, Ateneo Ferrolán e a Libraría Pedreira.

Programa:

Terça-feira 23 de novembro às 20h

Lugar: Libraria Cartabón. R/Urzaiz 125, Vigo.

Apresenta: Xoán Manuel Estévez Freijeiro

Intervenhem: Henrique Marques, António Pimenta

Intervençom musical: Su Garrido e Xico de Carinho

Quarta-feira 24 de novembro às 20h

Lugar: O faiado da memoria. Praça Ravella, Vila Garcia de Arousa.

Apresenta: Antón Mascato e Dolores Camba

Intervenhem: Henrique Marques, António Pimenta

Intervençom musical: Xico de Carinho

Quinta-feira 25 de novembro às 19h

Lugar: Portas Ártabras. Amigos dos museus de Galicia. R/Sinagoga n22, A Corunha.

Apresenta: Felipe Senén

Intervenhem: Henrique Marques, António Pimenta e Guilhermino Monteiro (coautor)

Intervençom musical: César Morán grupo e Xico de Carinho

Sexta feira 26 de novembro às 19h

Lugar: Ateneo Ferrolán. Apresenta: Antón Cortizas (Mestre jubilado, escritor e poeta)

Intervenhem: Henrique Marques, António Pimenta e Guilhermino Monteiro (coautor)

Intervençom musical: María Manoela e Manolo Bacalhao

Sábado 27 de novembro ás 12h

Lugar: Livraria Pedreira Santiago de Compostela

Apresenta: Dolores Camba

Intervenhem: Henrique Marques, António Pimenta e Guilhermino Monteiro

(Coautor)