A direçom do primeiro destacamento comunista galego fixou sede na cidade do Lérez, configurada por Manuel García Filgueira, Armando Guiance Pampín, Valeriano Barros, Gumersindo Villaverde e Perfecto da Vila.
Por Agora Galiza-Unidade Popular
30 de abril de 1923 tivo lugar em Ponte Vedra o congresso fundacional do primeiro núcleo organizado que se reclamava herdeiro da Revoluçom Bolchevique. Os terceiristas galegos constituírom a Federaçom Comunista Galega como seçom autótone do PCE e da Internacional Comunista.
Possivelmente o congresso fundacional tivo lugar nas instalaçons do Centro Obreiro ou Casa do Povo, situado na praça do Cais, próximo à ria e à atual rua arcebispo Malvar.
Nesta histórica reuniom participárom um reduzido feixe de bolcheviques galegos forjados no aceiro: Manuel Portas, Manuel García Filgueira, Ramiro Paz, António Iglesias e Juan Ponte, representando os núcleos de Ferrol, Compostela e Ponte Vedra. Polo Comité Central do PCE assistírom Juan Andrade e Luis Fernández Mula.
Segundo recolhe o nº 77 de “La Antorcha”, de 18 de maio de 1923, que reproduzimos, chegárom adesons da Agrupaçom Comunista de Vigo e do Grupo de Verim.
Fôrom aprovados os Estatutos e um plano de intervençom política e sindical, do que até o momento lamentavelmente ainda nom fôrom encontrados exemplares.
A direçom do primeiro destacamento comunista galego fixou sede na cidade do Lérez, configurada por Manuel García Filgueira, Armando Guiance Pampín, Valeriano Barros, Gumersindo Villaverde e Perfecto da Vila. Acordou editar como vozeiro o jornal “La Nueva Aurora”. Ramiro Paz foi designado diretor, e administrador Valeriano Barros.
Eles som os pioneiros da sublime causa do amor e da beleza que pretendemos reorganizar, a ferramenta de luita e combate proletário imprescindível para o êxito da Revoluçom Socialista Galega, o Partido Comunista.
O centenário do emblemático 30 de abril de 1923 deve inspirar o processo de reagrupamento, refundaçom e configuraçom do partido comunista combatente, patriótico e revolucionário galego, que necessita a nossa classe e o nosso país.
Se el primero en comentar