O CAL alerta da tentativa do Estado profundo espanhol de tentar obstaculizar que as ruas de Vigo «se convertam o sábado 30 num clamor popular contra a guerra imperialista, pola Paz e a soberania nacional da Galiza».
Por Redação NR | 18/05/2026
Comité Antifascista Lourinha vem de denunciar em comunicado urgente «a intimidaçom a que está sendo submetido um dos membros do nosso coletivo por parte da Guarda Civil».
Pouco depois das 00h. da madrugada de hoje, efetivos da Guarda Civil que se identificárom procedentes de Soutomaior, apresentarom-se no domicílio de Paulo Vila, membro do CAL, com o objetivo de recabar informaçom em base a» umha rocambolesca denúncia» polo que o seu automóvel tinha sido identificado mediante umha chamada telefónica anónima que indicava terem visto «cinco indivíduos encarapuçados no seu interior».
Desde o Comité Antifascista da Lourinha denúnciam esta» disparatada nova tentativa de intimidaçom e criminalizaçom» que entendem diretamente vinculada com «a campanha antimilitarista que estamos realizando contra o desfile das Forças Armadas espanholas do vindouro 30 de maio em Vigo».
O CAL alerta da tentativa do Estado profundo espanhol de tentar obstaculizar que as ruas de Vigo «se convertam o sábado 30 num clamor popular contra a guerra imperialista, pola Paz e a soberania nacional da Galiza».
Os membros do CAL advirtem ao Subdelegado do Governo espanhol na província de Ponte Vedra que paralise «esta montagem policial e garanta o livre direito de manifestaçom» contra o polémico desfile das tropas espanholas em Vigo.
Se el primero en comentar