A pesar de décadas de ocupación brutal, os saharauís mantiveron viva a chama da esperanza e a dignidade. A súa loita non é só pola súa terra, é unha insurrección contra o sistema de opresión que lles nega o seu dereito inalienable á autodeterminación, a vivir en liberdade e con dignidade.
Por Comunidade Saharaui en Galiza
Compañeiros e compañeiras, Reunímonos hoxe para marcar o 27 de febreiro, un día que troa coa resistencia acendida e a loita implacable do pobo saharauí pola súa liberdade nacional. Nesta xornada de desafío, celebramos a valentía e a firmeza dun pobo que desgarrar as cadeas da opresión, que rexeita o xugo da inxustiza imposto.
Un 27 de febreiro de 1976, hai 48 anos, proclamouse a República Árabe Saharauí Democrática en Bir Lehlu, un día despois da saída do último soldado español do territorio. O Congreso Nacional Saharauí, a través do seu Secretario Xeral Ali Beiba, anuncia a creación dun «Estado libre, independente e soberano, rexido por un sistema nacional democrático e progresista».
A pesar de décadas de ocupación brutal, os saharauís mantiveron viva a chama da esperanza e a dignidade. A súa loita non é só pola súa terra, é unha insurrección contra o sistema de opresión que lles nega o seu dereito inalienable á autodeterminación, a vivir en liberdade e con dignidade.
O 27 de febreiro chámanos á acción radical, desafíanos a alzar as nosas voces e a levantar os puños nun único puño de aceiro contra a inxustiza. Lémbranos que a liberdade non é un regalo que se nos concede, senón un dereito que se arrinca con coraxe e sacrificio.
Non daremos nin un centímetro de terra saharauí. Ante a falta de cooperación para unha solución negociada baseada nun referendo, esiximos a expulsión do ocupante marroquí e que o Goberno español asuma a súa responsabilidade como a potencia administradora do territorio e, polo tanto, a obrigación de protexer á sociedade civil saharauí.
Pídese que o Goberno español sexa xulgado pola entrega do Sáhara, polo recoñecemento ilegal da súa marroquinidade no BOE e pola complicidade co asasinato de 200 civís en ataques con drones, ignorando o Dereito Internacional.
Comprometémonos a loitar sen descanso ata que a bandeira saharauí ondee en terra liberada.
Unidos na loita radical pola xustiza, avanzamos cara a un futuro onde a liberdade sexa o destino común de todos os pobos.
¡Viva o pobo saharauí! ¡Que a revolución sexa o noso estandarte e a vitoria o noso destino! ¡Patria ou Morte!
كل الوطن او الشھادة
Se el primero en comentar