Nom cansamos de denunciar todos e cada um dos excessos que certos elementos do corpo, protagonizam no uso das suas funçons, extralimitando-se na utilizaçom do poder que ostentam
Polo Comité Antifascista Lourinha
Há menos de um mês, na madrugada do passado sábado, 27 de maio, saltou à luz um novo caso de violência policial no Concelho do Porrinho.
Um abuso de autoridade e força desmesurada, sem justificaçom, contra um vizinho. Umha atuaçom da Polícia Local, na que humilhárom, golpeárom e tirárom ao cham, a umha pessoa, mofando-se dela em dependências policiais. Um novo atropelo usando a violência de maneira arbitrária.
Nom cansamos de denunciar todos e cada um dos excessos que certos elementos do corpo, protagonizam no uso das suas funçons, extralimitando-se na utilizaçom do poder que ostentam. Este tipo de atuaçons som injustificáveis, ainda que a atitude e os motivos da detençom desta pessoa, puidessem ser socialmente reprováveis.
Estes chulos com placa, sentem-se seguros e protegidos polo poder político, que nom é capaz de ponher ordem nas suas fileiras, tomando medidas disciplinarias contra sujeitos que descaradamente vulneram os direitos civís.
Nom só abusam e exceden-se no uso da força, se nom que também se permitem com total descaro tratar com despreço a vizinhos que nom se pregam as suas sádicas práticas.
Quando as «forças de ordem» nom só maltratam físicamente, se nom que também minusvaloram e humilham, estamos perante umhas práticas despóticas que há que denunciar nom só frente ao poder político local, ou nos julgados, também nas ruas.
De Comité Antifascista Lourinha, damos todo o nosso apoio a qualquer vizinha e vizinho que sofra este tipo de açons por parte de estes sujeitos reacionários que, amparados na placa, cometem este tipo de abusos.
Matons com placa fora do Porrinho!
Se el primero en comentar