Hamas resaltou que estaba autorizada a negociar o alto de fogo con Israel, mais que non tiña calquera poder outorgado, para negociar no futuro calquera cuestión sobre a autodeterminación e goberno, así como as condicións sobre o futuro Estado Palestino
Por Jose Vieira | 19/10/2025
Este texto, pretende mostrar, como é visto por dentro de Hamas, este “Plan de Paz”.
O seu promotor, Donald Trump, presidente dos Estados Unidos da América do Norte (USA), o utilizou para disfrazar o seu empeño, por obter un espazo para os seus emprendimentos inmobiliarios.
Por outro lado, tamén se serviu deste recurso, para se presentar a candidatura ao “premio Nobel da Paz”, o que a noso ver é un auténtico desaforo aos anteriores galardoados con ese premio.
Nos servimos das declaracións, do coñecido líder de Hamas, Mousa Abu Marzouk, para o periódico Drop Site News, entrevista efectuada por Jeremy Scahill, e publicada o pasado 6 de outubro.
Quen é Mousa Abu Marzouk?
É un político de alto rango palestino, que foi xefe do despacho político de Hamas, entre 1992 e 1996 e seu vice presidente entre 1997 xaneiro e 2013 en abril.
Unha primeira reflexión que nos xorde de termos acceso a súa entrevista, é como podemos asistir a un xenocidio dun pobo, retransmitido en simultáneo por televisión. Isto é non só inconcibíbel, como moralmente incomprensíbel.
Nos leva a non ter dúbidas reais, sobre a falta de humanidade do señor Donald Trump.
Pois, este individuo, se podemos o cognominar entre os seres que pertencen a noso concepto de Humanidade. Como pode asistir e premiar o pobo israelita, conducido por uns cantos criminais de guerra, xa declarados internacionalmente, como tales e, mercé da protección de Trump, a xustiza mundial, a pesar de estaren en busca e captura, os deixan andar impunemente, por todo o mundo e que prosigan este xenocidio.
Estes dirixentes co señor Benjamin Netanyahu, maten indiscriminadamente, xente inocente e, que só único crime, é seren cidadáns palestinos.
A pesar deste dirixente de Hamas, ter as súas dúbidas acerca do cumprimento por parte de Israel, do plano de paz proposto en 20 puntos por Tump, este agradece a Trump e, transcribimos as súas palabras:
“Grazas polos seus esforzos e pola promesa de parar a guerra e liberar os prisioneiros. Estamos comprometidos con el. Só deteña a guerra”
Recordamos a propósito de prisioneiros, Hamas tén vivos 20 prisioneiros, e 48 cadáveres doutros que morreron en prisións.
Mentres Israel, ten 1.700 arrestados sen xuízo nin causa á vista e a 250, condenados a prisión perpetúa.
Non podemos esquecer que o número de mortos palestinos, están por determinar, e o número que se manexa xa supera os 70.000 (entre nenos, mulleres e civís indefensos). O número de desaparecidos xa supera os 300.000.
Estará a destrución da Palestina salvaguardada?
Pois, non nos parece, así que o propio Netanyahu, afirmou que “as tropas israelitas, permanecerán atrincheiradas en Gaza, indefinidamente”.
Corre a sospeita de Hamas de que Israel despois, deste alto de fogo e dos trocos de prisioneiros, volva de novo as armas e, continúe o xenocidio.
Pois, o primeiro ministro israelita e seus socios de goberno, non son persoas ni credíveis, nin honrados.
Non debemos esquecer o grande negocio de que fala Trump de crear unha Riviera no Mediterráneo oriental, transformando en patio de inversións, altamente rentabeis para o empresario inmobiliario, chamado Donald Trump e de Jared Kushner, xenro do presidente e amigo persoal de Netanyahu.
No fondo, segundo Marzouk, Hamas estaba perante a espada e a parede, non podía crer en calqueira acordo de cese o fogo con Netanyahu, fose unha garantía de poder a ser por el respectado, entón a única hipótese mais respectábel sería a de crer en Donald Trump.
Este hai sido o drama, non tendo Hamas outra alternativa.
En noso entender, o equilibrio do texto, vai en detrimento de Hamas, dado que este irá renunciar a calquera poder na Franxa de Gaza.
No entanto, Hamas resaltou que estaba autorizada a negociar o alto de fogo con Israel, mais que non tiña calquera poder outorgado, para negociar no futuro calquera cuestión sobre a autodeterminación e goberno, así como as condicións sobre o futuro Estado Palestino.
Segundo Abu Marzouk, cando lles foi presentado o documento de 20 puntos, nas reunións cos mediadores, a súa contestación, foi de que Hamas estaba autorizado a poder aceptar eses vinte puntos, para se declarar e respectar o cesar fogo.
No entanto, non estaban autorizados a decidir sobre o futuro do pobo palestino. Engadindo “esta estratexia se desenvolveu para nos permitir unir a patria palestina, de modo que poda decidir o futuro de Gaza”. Tendo sobre este punto Abu Marzouk engadido, “todo se debe discutir, porque pertence a todos os palestinos e non só a Hamas.
Trump, contestou a estas declaracións cun entusiasmo, pouco de crer, mais o traxe é declarou na publicación Truth Social “baseandome na declaración que acaba de emitir Hamas, creo que están prontos para unha Paz duradeira. Israel debe deter inmediatamente o bombardeiro sobre Gaza.”
O que nos parece é que o señor Donald Trump, ou é unha caixa de sorpresas, un consagrado actor de teatro ou ambas as cousas ao mesmo tempo.
Se el primero en comentar