Confluência Comunista desmarcase do Encontro Galego contra a OTAN

Como organizaçons comunistas revolucionarias devemos pór em conhecimento do povo trabalhador galego as razons da nossa saída

Por Confluência Comunista

Anunciamos que Promotora do Comité Nacional Galego da Confluência Comunista, desmarcamo-nos do ‘Encontro Galego contra a OTAN’, polas gravíssimas decisons impostas no seu seio, que danam de jeito irremediável a nossa continuidade no atual Des-Encontro.

Como organizaçom comunista revolucionária devemos pór em conhecimento do povo trabalhador galego as razons da nossa saída.

1- Sob a carauta dum alegado caráter assemblear e horizontal, aberto a partidos, coletivos e individualidades, agocha-se umha praxe e espírito divisor e controlador, em maos de camarilhas oportunistas e setárias, que atuam pola via dos factos consumados, negando-se a chegar a qualquer acordo enquanto se desviam e incumprem os acordos de mínimos.

Prática que trava qualquer avanço real das tarefas importantes, essenciais e prioritárias que requer a luita contra a OTAN como Gendarmeria e braço armado do capitalismo ocidental decadente e agressivo contra todo o resto do mundo.

2- Cara a iminente escalada bélica no leste da Europa e ulterior III Guerra Mundial a grande escala, e o ameaçante pesadelo dumha guerra termonuclear, som horas de amplos e grandes acordos em defesa da Paz e contra a escalada bélica da OTAN e da UE.

3- A Confluência Comunista, integrada no ‘Encontro Galego contra a OTAN’, como membro igualmente legítimo e constitutivo deste, nunca vetamos a nengumha outra o direito soberano destas a participar setorialmente onde estimassem oportuno.

Mas a inversa sim que nos pretendem impor participar pola via do voto sem consenso, aplicando permanentemente o ‘rolo’, acompanhado da desqualificaçom persistente.

Dinámica que chegou a um ponto irremediável com a imposiçom repentina de documentos sobre a Acampada da USC nom acordados, nem sequer tratados na última Assembleia Geral realizada há uns dias.

Documentos que nom som de mínimos, que racham com qualquer entendimento com as nossa coerente prática anti-imperialista e antifasZista, e onde nos querem impor presença e suporte acrítico em tais coletivos.

Assunto onde nunca se chegou a um consenso prévio entre as organizaçons, todo com pleno e reiterado menospreço do nosso legítimo direito soberano a nom participar nestes espaços cisionistas, que levam meses quebrando a dinamica da luita solidária com a Palestina desde a formaçom social concreta chamada Galiza.

4- Eis a questom de fundo que formulamos neste comunicado da Confluência Comunista, denunciando a negativa ao consenso e a imposiçom de umha linha claramente funcional com o imperialismo por umha constelaçom de grupos espanholistas situados no trosquismo, no post-hoxhaismo residual e nas posiçons posmos e ninistas.

Grupos que nom assomem que a guerra da OTAN contra a Rússia é umha agressom do imperialismo anglo-ianque-sionista.

Que perante a crise estrutural do capitalismo senil e agónico, as forças políticas e sociais de caráter obreiro e popular devemos apoiar o Eixo da Resistência contra o fascismo sionista, e a Frente Multipolar.

Que a defesa coerente da independência da Palestina está ligada à defesa intransigente do direito à autodeterminaçom nacional de todos os povos, e do galego em particular.

5- Portanto, é inadmissível o veto aos simbolos nacionais da nossa Pátria dentro de qualquer espaço, evento, acampamento, concentraçom ou ato por Palestina ou qualquer outra causa legitima que decorrer no nosso território nacional.

6- Alertamos mais umha vez sobre a urgente necessidade de vertebrar Comités Anti-OTAN em toda a geografia nacional e tecermos umha ampla aliança galega pola Paz e contra a III Guerra Mundial que procuram as elites nazi-fascistas empoleiradas na UE, o sionismo e o capitalismo corporativo globalista.

7- E nós seguiremos nesta luita prioritária e fulcral, e desde as nossas localidades continuaremos impulsionando a resposta ampla e combativa do povo trabalhador galego contra os designios belicistas e genocidas dos imperialismos coaligados que nos oprimem e nós querem levar à matança continental e planetária: Espanha, UE, OTAN, USA e o sionismo.

Galiza, 7 de junho de 2024

Se el primero en comentar

Dejar un Comentario

Tu dirección de correo no será publicada.




 

Este sitio usa Akismet para reducir el spam. Aprende cómo se procesan los datos de tus comentarios.